Zëvendësministri i Forcës së Sigurisë së Kosovës (FSK), Burim Ramadani, ka deklaruar se mbledhja e Këshillit të Sigurimit të OKB-së është e panevojshme, e paefektshme dhe pa vendimmarrje.
Ramadani ka pohuar se thirrja urgjente nga Rusia dhe Serbia e mbledhjes së Këshillit të Sigurisë së OKB-së në lidhje me mandatimin ushtarak të FSK-së është thjesht e panevojshme, dhe nuk do të ndryshojë asgjë.
Shkrimi i plotë:
Mbledhja e KS të OKB-së është e panevojshme, e paefektshme, pa vendimmarrje
Thirrja urgjente nga Rusia dhe Serbia e mbledhjes së Këshillit të Sigurisë së OKB-së në lidhje me mandatimin ushtarak të FSK-së është thjesht e panevojshme, e paefektshme dhe pa vendimmarrje.
Asgjë nuk do tê ndryshojë. Asnjë veprim më pak apo më shumë.
Forca fillon transicionin, Kosova forcohet, populli i Kosovë është më i sigurt!
Veç njê gjë të mirë e ka:
Dëshmon edhe njëherë orientimet në botën e sotme – Kosova me SHBA-në, Mbretërinë e Bashkuar e Francën, ndërsa Serbia me Federatën Ruse.
Ndarje më të pastër konceptuale dhe faktike nuk ka!
