Ambasadorja e Kosovës në New York, Vlora Çitaku, është takuar gjatë ditës së djeshme me ish-presidentin e Amerikës, Xhorxh W. Bush në Dallas të Teksasit.
Në njoftimin e Ambasadës së Kosovës në Washington ky takim ka ndodhur pasi që përvjetori i 10-të i pavarësisë së Kosovës është shumë afër.
“Presidenti Bush ishte ndër presidentët e parë që njohu Kosovën dhe ne jemi të nderuar ta quajmë një mik. Kosova është me të vërtetë e bekuar që ka pasur mbështetjen e tij në orët tona më të përcaktuara. Ishim të përulur nga mikpritja e tij e ngrohtë dhe nga diskutimet e frytshme”, thuhet në njoftimin e ambasadës shkruan Insajderi.
Gjatë këtij takimi ambasadorja Çitaku, presidentit Bush i ka dhënë edhe një mesazh nga vajza e parë e lindur në ditën e shpalljes së pavarësisë së Kosovës.
“Ne gjithashtu sigurohemi të kalojmë një mesazh nga Presidenti ynë dhe Pavarësia, fëmija i parë i lindur pas shpalljes së pavarësisë së Kosovës. Letra e saj, së bashku me fotografitë e rrugës kryesore të Xhorxh Bushit në Prishtinë, janë shenja shumë të vogla vlerësimi nga Kosova në familjen e Bushit”, thuhet ndër tjerash në njoftim.
“Emri im është Pavarësia, që do të thotë “I pavarur”, dhe kam lindur 2 minuta pas shpalljes së pavarësisë së Kosovës. Unë dua që të ju falënderojë juve për punën që keni bërë për Kosovën e lirë dhe të pavarur. Së shpejti unë do të bëjë 10 vjet po ashtu edhe Kosova. Unë luaj me shokë dhe shkoj në shkollë, unë shpresoj që ju ta vizitoni Kosovën për ditëlindjen e saj. Do të jetë një ëmbëlsirë i madh me fishekzjarrë. Një falënderim i madh për ty nga Kosova”, ka qenë mesazhi nga Pavarësia dërguar presidentit Bush.
Në këtë mesazh ajo ka bashkangjitur edhe foto të Pavarësisë. /Insajderi.com
