Partia Demokratike në Shqipëri (PD) dhe Lëvizja Socialiste për Integrim (LSI) sot kanë firmosur marrëveshjen e koalicionit për zgjedhjet e 25 prillit, me sloganin “Shqipëria, shtëpia që fiton”, transmeton Insajderi.
Marrëveshja është firmosur nga lideri i Partisë Demokratike, Lulzim Basha dhe kryetares së Lëvizjes Socialiste për Integrim, Monika Kryemadhi, ku do të konkurrojnë në zgjedhje me dy lista (PD-AN + LSI).
Në marrëveshjen e këtyre partive janë parashikuar 13 pika. Kryesorja është nxjerrja e vendit nga kriza shumë e rëndë ekonomike e shkaktuar, sipas tyre, “nga qeverisja klienteliste dhe bashkëpunëtore e oligarkisë dhe e krimit”, raporton TCh.
Një pikë tjetër e marrëveshjes është përmbushja e të gjitha kushteve për hapjen e negociatave për anëtarësim në Bashkimin Evropian.
Sipas marrëveshjes, përfaqësimi në të gjithë nivelet e qeverisjes së ardhshme do të realizohet proporcionalisht mbi bazën e rezultatit zgjedhor. /Insajderi.com
