Partia Demokratike e Kosovës në Prizren ka marrë mbështetje për balotazh nga Nisma Socialdemokrate.
Lajmi është kumtuar nga vetë dega e kësaj partie në këtë komunë.
“Mbështetja për Shaqir Totajn me 14 nëntor, është edhe mbështetje e projekteve tona të prezantuara gjatë fushatës nga kryetari Nismës në Prizren, Zafir Berisha”, thuhet ndër tjerash në njoftim.
Po ashtu, ky subjekt politik kritikoi edhe qeverisjen e Mytaher Haskukës në këtë qytet.
Haskuka në balotazh përballet me Shaqir Totajn e Partisë Demokratike të Kosovës.
VV në Prizren ka marrë 24 mijë e 378 vota apo 40.41 për qind.
Ndërsa, PDK, ka 31.36 për qind apo 18 mijë e 919 vota.
Ndërkaq, Zafir Berisha ka fituar 3 mijë e 452 vota që në përqinje është 5.72 për qind. /Insajderi.com
