Shefi i përgjithshëm i shtabit zgjedhor të PDK-së, Abelard Tahiri, ka paralajmëruar zgjedhje të brendshme në këtë parti pas rezultateve në zgjedhjet lokale.
Tahiri ka thënë për KTV-në se PDK do të ketë reformë të brendshme me struktura të reja.
Megjithatë, ai ka mohuar të pranojë se një veprim i tillë ka nisur pas humbjes në raundin e dytë të zgjedhjeve lokale, ku PDK nga 10 komuna në të cilat ishte në balotazh fitoi vetëm në katër.
Ajo tani në total do të udhëheqë me Ferizajn, Kaçanikun, Shtime, Drenas dhe Dragash. Në Dragash pritet numërimi i votave me kusht për t’u vendosur përfundimisht fituesi.
