Derisa dje u ftua nga Gjykata Speciale komandanti i përgjithshëm i Ushtrisë Çlirimtare të Kosovës, Azem Syla, sot iu ftua edhe një i afërm i tij, shkruan Gazeta Insajderi.
OVL e UÇK-së e konfirmoi ftesën e Speciales për Shaban Sylën i cili është njëherësh edhe i dënuar në rastin e njohur si “Bllaca 2”.
Rasti “Bllaca”, u iniciua pas deklaratave në publik të Nazim Bllacës, i cili në daljen e tij të parë publike në vitin 2009, kishte thënë se bëhet fjalë për vrasje, plagosje, marrje parash rrahje brutale, e shumë gjëra të tjera. Në dy raste Gjykata i ka besuar deklarimeve të tij dhe janë nxjerrë dy aktgjykime të plotfuqishme. Ndër njerëzit e arrestuar nga deklaratat e Nazim Bllacës, ishte edhe Shaban Syla.
Syla në dhjetor të viti 2012 ishte gjetur fajtor për veprën penale të vrasjes në tentativë ndaj Adem Salihut, nga Gjykata e Qarkut në Prishtinë ndërsa më pas edhe nga Gjykata e Apelit e cila kishte vërtetuar këtë vendim. Ndërsa ai dhe shokët e tij, ishin gjetur fajtor edhe për vrasjen e Ibush Kllokoqit, ku Syla u dwnua me 8 vite burgim.
Këtë listë e ka siguruar Gazeta Insajderi, në vitin 2016-të dhe përfshihen të gjithë personat e akuzuar në rastin “Bllaca”, përveç Sadik Abazit.
Insajderi ka mësuar se si dhjetëra hektarë tokë në Llapllasellë pas vdekjes së Lubica Simiq ishin përvetësuar nga të dyshuarit. Shaban Syla ishte shfaqur si person autorizuar i Kruna Blagojevicit, trashëgimtarë ligjor i pronës së Simiq. kishte qenë Shaban Syla. Bartja e pronës tek personi i autorizuar Shaban Syla ishte bërë me vendim të Nuhi Ukës./ Insajderi.com