Presidenca ka shpenzuar mbi 86 mijë euro nga buxheti i shtetit për periudhën janar– qershor të këtij viti.
Sipas të dhënave të publikuara nga presidenca, presidentja Vjosa Osmani dhe kabineti i saj që në total janë 19 persona, kanë shpenzuar 75 mijë e 226 euro gjatë kësaj periudhe.
Në dreka dhe darka zyrtare, presidentja Osmani dhe kabineti i saj kanë shpenzuar 3 mijë e 455 euro. Ndërkaq, një koktej protokollar me rastin e javës së gruas i ka kushtuar Presidencës 1 mijë euro.
Administrata, ish-presidentët dhe Këshilli Konsultativ për Komunitete në kuadër të Presidencës, kanë shpenzuar afro 11 mijë euro prej janarit deri në qershor.
Këta, më së shumti kanë shpenzuar për karburante gjithsej 7 mijë e 578 euro.
Për dreka dhe darka zyrtare, ata shpenzuan 2 mijë e 977 euro, ndërsa 371 euro u kanë kushtuar biletat e udhëtimeve zyrtare jashtë vendit./Insajderi.com
