Ish-ministri i Brendshëm në Qeverinë Kurti, Agim Veliu, është përplasur në debat me shefin e Grupit Parlamentar të LVV-së, Rexhep Selimin, në një emision televiziv të martën në mbrëmje.
Veliu është lidhur përmes telefonit në emisionin Debat Plus në RTV Dukagjini, në studion e së cilës ndodhej Rexhep Selimi.
Veliu ka thënë se nuk është pajtuar me shumicën e konstatimeve të shefit të deputetëve të VV-së, përveç njërës.
“Me Rexhep Selimin sonte pajtohem vetëm me një pikë, kur e tha që nuk është koha të flasim për shkarkimin e Agim Veliut. As ai nuk do duhej të ishte në studio sonte, por do duhej të ishte një epidiemolog”, ka thënë Veliu.
Ndërsa, Selimi ka thënë se nuk ka spekuluar në lidhje me deklarimet e tij për shkarkimin e Veliut dhe për mbështetjen, siç ka thënë ai, të nënkryetarit të LDK-së për presidentin Hashim Thaçi.
“Unë nuk spekulova, për këtë nuk ishte fer nga z. Veliu. E se kush do duhej të ishte në studio të juaj, e përcaktoni ju, e jo z. Veliu”, i është kundërpërgjigjur Selimi-Veliut.
