Në fillimin e seancës së sotme të Kuvendit të Kosovës, deputeti i PDK-së Xhavit Haliti dhe deputeti i LDK-së Anton Quni, kanë replikuar lidhur me një shumë prej 8 milionë markave që sipas Anton Qunit, Haliti i ka marrë nga kolonel Ahmet Krasniqi.
Deputeti i PDK-së Xhavit Haliti, që ka qenë edhe kryesues i seancës ka thënë se deklarata e deputetit të LDK-së, e dhënë në një emision mbrëmë, është gënjeshtër.
Sipas Halitit, nëse Anton Quni e dëshmon se ai ka marrë 8 milionë marka nga Ahmeti, është i gatshëm të jap dorëheqje nga Kuvendi.
“Nesë ke argumente që i kam marrë 8 milionë, duhet ta kesh parasysh se në struktura politike dhe ushtarake ka pas bashkëpunim të ngushtë mes Qeverisë së Kosovës dhe UÇK-së. Por këto struktura nuk janë merrë me kalamajt që kanë nejt nëpër therra. Unë për të bisedu dhe marrë vesh kam pas veç një njeri, Bujar Bukoshin, juve s`ju kam njoft – ty të kam njoft mas luftës. Nuk është mirë me gënjy se ti s`ke qenë prezent as si ke të dhënat e asaj pune. Nesë ti ke fakte me ja dhanë publikut që unë i kam marrë 8 milionë, unë jam i gatshëm të jap dorëheqje por a je i gatshëm që të japësh dorëheqje edhe ti”, tha Haliti.
Pas kësaj ka aplikuar deputeti Anton Quni, i cili tha se është i gatshëm të dëshmoj dhe të siguroj fakte se Haliti i ka marrë ato para nga Ahmet Krasniqi.
“Mbrëmë e kam thënë saktësisht, nuk e di çka ka të keq nëse ky fond është ndarë për nevoja urgjente të UÇK-së, nuk është asgjë sekrete nuk jam i vetmi që e kam thënë ka edhe persona të tjerë edhe shokët tuaj të idealeve dhe të partisë. Por nëse ju doni fakte edhe më shumë unë do t`i siguroj, tani nuk e di a janë në pyetje 6-7-8 por mundem me i siguru edhe dëshmitarët edhe protagonistët që të saktësojnë me ditë, me datë, me vend, ngjarjen që ju këtë shumë plus minus e keni pranuar personalisht prej kolonel Ahmet Krasniqit”, tha Quni.
Pas kësah reagoi edhe një herë Xhavit Haliti. Ai i tha Qunit se ka gënjyer dhe se për ngjarjen të cilën ai po folë, nuk ka qenë prezent as ai as shokët e tij.
“Ti ke rrejt ti nuk din kurgja as ata shokt e tu s`janë kanë prezent. Ka qenë prezent Agim Mehmeti është bisedu me Bujar Bukoshin, e din edhe Isa Mustafa, ju tjerët krejt keni qenë ushtar a keni luftu a jo problem tjetër. Sepse ju ju konvenon me fol për njerëz të vdekur të UÇK-së e për të gjallët nuk ju intereson ky është problemi juve”, tha ai.
“Këtu mundet me fol dy vet janë gjallë Bujar Bukoshi sa i përket çështjeve politike dhe Isa Mustafa sa i përket financave dhe gjallë është Hilmi Nebihu ai ka qenë në të gjitha takimet. Unë se mohoj atë por shuma nuk është e vërtet. Unë nuk e mohoj asnjëherë as bashkëpunimin me Bujar Bukoshin as me Ahmet Krasniqin as ndihmën që e ka dhënë Bukoshi, as gatishmërinë të cilën e kanë penguar strukturat politike të atëhershme Ahmet Krasniqin që ka një proces të caktuar për tu bashku”, tha Haliti.
Krejt në fund Haliti i tha deputetit Quni se “Kur t`i çelim letrat i çelim taman” duke shtuar se po e përfundon këtë bisedë se se nuk i jep më të drejtën e fjalës.
“Për qefi, bash për qef temin ska me fol”, i tha Haliti Qunit.
Quni tentoi ta marrë fjalën sërish, por Haliti nuk e lejoi, kështu Qunin u afrua te karrigia e Halitit ku u afruan edhe shumë deputetëve tjerë.
