Përplasje mes Kusari-Lila dhe Zemajt, ky i fundit i përmend aktakuzën

Ministri i Shëndetësisë, Armend Zemaj i ka replikuar kryetares së Alternativës e cila është deputete në grupin parlamentar të Lëvizjes Vetëvendosje.

Mimoza Kusari-Lila tha se është ofendim për qytetarët që një jurist të udheheqë Ministrinë e Shëndetësisë.

Ministri Zemaj i ka kujtuar Kusarit aktakuzën që e ka në Gjykatën Themelore të Prishtinës, poashtu ai ngriti një pyetje se çfarë quajmë ofendim; të qenuarit jurist i njohur apo e akuzuar për krim e korrupsion.

“Tani çka quajmë ofendim: të qenurit jurist i njohur apo të lavdërohesh nga kaskaderët politik dhe të akuzuarit për krim, zhvatje e korrupsion?”, ka shkruar ndër tjerash Zemaj në reagimin ndaj Kusarit-Lila. /Insajderi.com/

Postimi i plotë i Zemajt në Facebook:

E akuzuara nga Prokuroria Speciale e Republikës së Kosovës, znj. Mimoza Kusari (aktakuzë pran Gjykatës Themelore në Prishtinë, Departamenti Special) për krim të organizuar për shitjen dhe privatizimin kriminal të katër hidrocentraleve, pasuri e qytetarëve të Kosovës, e paska quajtur ofendim për qytetarët e vendit, zgjedhjen e një juristi në krye të MSh-së.

Tani çka quajmë ofendim: të qenurit jurist i njohur apo të lavdërohesh nga kaskaderët politik dhe të akuzuarit për krim, zhvatje e korrupsion?

Qytetarë të vendit tim, edhe një motiv shtesë për mua që të punojmë me shumë në avancimin e sistemit shëndetësor të Kosovës.