Pesë persona kanë pësuar lëndime si pasojë e një aksidenti në trafik që është shkaktuar të hënën në fshatin Mrasor të Rahovecit, njofton Insajderi.
Në aksident janë përfshirë dy vetura.
Rastin për Insajderin e ka konfirmuar Nysret Xhurkaj, zëdhënës i Policisë së Kosovës për rajonin e Gjakovës.
“Në fshatin Mrasor ka ndodhur një aksident në mes dy veturave. Deri te aksidenti ka ardhur kur njëra veturë, duke mos iu përshtatur kushteve të rrugës, ka hyrë në tejkalim në kthesë dhe e ka goditur veturën e cila ishte në përballkalim. Si pasojë e këtij aksidenti kanë pësuar lëndime të rënda pesë persona”, tha Xhurkaj./Insajderi.com
