![Petkoviq: Nëse nuk lejohen zgjedhjet e 3 prillit, s’do të ketë më zgjedhje në veri të Kosovës](https://insajderi.com/wp-content/uploads/2022/02/Petar-Petkoviq-1-730x440.jpg)
Drejtori i të ashtuquajturës “Zyra për Kosovën” në Qeverinë e Serbisë, Petar Petkoviq, ka paralajmëruar pasoja “të paparashikueshme” nëse nuk lejohet mbajtja e zgjedhjeve të 3 prillit në Kosovë.
Mbajtja e këtyre zgjedhjeve sipas Petkoviqit është me rëndësi vendimtare për Serbinë dhe se “çështja e votës është një e drejtë themelore e njeriut, të cilën Albin Kurti po përpiqet t’ia mohojë popullit serb në provincën jugore”.
Ai ka deklaruar se nëse nuk mbahen zgjedhjet e 3 prillit “nuk do të ketë më zgjedhje të Kosovës në veri të saj”.
“Është shumë e qartë se nëse nuk ka zgjedhje të 3 prillit, nuk do të ketë më zgjedhje të Kosovë në veri të saj. Do të kemi pasoja të paparashikueshme,” tha Petkoviq, raporton Tanjug, transmeton Shqip.com.
Petkoviq, me rastin e 14-vjetorit të Pavarësisë së Kosovës, ka thënë se “shkëputja e krahinës jugore serbe është një akt ilegal dhune dhe rrjedhimisht i papranueshëm për Serbinë”.
“Për ne është një akt dhune dhe një akt i paligjshëm i shkëputjes nga Serbia, kështu që pavarësia është e papranueshme. Shumica e njerëzimit nuk e njeh Pavarësinë e Kosovës, ashtu si shumica e shteteve anëtare të OKB-së”./Insajderi.com