Drejtori i së ashtuquajturës “Zyre për Kosovën” në Serbi, Petar Petkoviq, ka reaguar lidhur me deklaratën e zyrtarit të Lëvizjes Vetëvendosje, Fidan Ademi, i cili ka thënë se “bashkimi i Kosovës me Shqipërinë do të bëhet, me pushkë apo me referendum”, përcjell Insajderi.
Në llogarinë e tij në Twitter, Petkoviq e ka pyetur kryeministrin e Kosovës, Albin Kurtin, se “a nënkuptojnë kërcënime të tilla me pushkë se krijimi i ‘Shqipërisë së Madhe’ është ndër prioritetet e Qeverisë së Kosovës”.
“A nënkuptojnë këto kërcënime me pushkë se krijimi Shqipërisë së madhe është ndër përparësitë kryesore për ju Albin Kurti? Ku e vendosni dialogun në atë rast? Vendi i pestë apo më i ulët? Nuk ka vend për armë në tryezën e negociatave! E ardhmja qëndron në paqe, ka shkruar Petkoviq.
Qeveria e Serbisë edhe më parë ka deklaruar se “Kosova e dëshiron bashkimin me Shqipërinë”.
Sipas tyre një gjë e tillë e destabilizon rajonin. /Insajderi.com
Do these threats with rifles mean that creation of the ‘greater Albania’ is among top priorities for you @albinkurti? Where do you place the #dialogue in that case? The fifth place or lower?
No place for guns at the negotiating table! The future lies in peace! @miroslavlajcak pic.twitter.com/prhbQrV0VI— Петар Петковић (@PetkovicPetar) April 11, 2021
