Policia e Kosovës ka dhënë detaje për vrasjen që ka ndodhur të mërkurën në Pejë.
Vrasja ndodhi saktësisht në rrugën Xhin Gazuli, rreth orës 20:15.
I dyshuari për vrasje është arrestuar. Ai ishte mësues dhe dyshohet se ka vrarë babain e vajzës që është raportuar ta ketë “ngacmuar seksualisht”.
“Nga i dyshuari, njësiti policor ka sekuestruar një pistoletë me dy karikatorë dhe 7 copë fishekë”, thuhet në raportin njëzetekatër orësh të Policisë.
Me vendim të prokurorit i dyshuari pas intervistimit është dërguar në mbajtje për 48 orë. Rasti vazhdon të hetohet. /Insajderi.com