Për rrahjen ndërmjet deputetit të PSD-së, Frashër Krasniqi dhe atij të VV-së, Xhelal Sveçlës hetime ka nisur edhe Policia.
Kjo është konfirmuar për Gazetën Insajderi nga prokurori, Ibrahim Berisha.
Berisha ka thënë se zyrtarët policor tash do të vazhdojnë me grumbullimin e provave dhe intervistat me dëshmitarë.
“Në mëngjes sot kanë qenë policia te unë në zyrë, paraprakisht kanë biseduar me prokurorin kujdestar dhe ai i ka udhëzuar. Ata kanë pasur një raport fillestar të hetimeve, kanë filluar me një raport policor, dhe tash autorizohen që të grumbullojnë prova dhe me i dëgju dëshmitarët”, ka thënë Berisha.
Në lidhje me këtë përplasje për Insajderin ka folur edhe vetë deputeti i PSD-së, Frashër Krasniqi.
Ai ka thënë për Insajderin se nuk ka pasur përleshje, por vetëm një fjalosje të tensionuar. /Insajderi.com
