Policia e Kosovës njofton se dy persona kanë vdekur në rrethana të dyshimta gjatë së enjtes.
Njëri rast ka ndodhur në Qendrën e Paraburgimit në Hajvali të Prishtinës.
“Qendra e Paraburgimit – Hajvali, Prishtinë, 19.08.2021 – 08:05. Viktima mashkull kosovar, në gjendje të rëndë është dërguar në QKUK. Ekipi mjekësor ka konstatuar vdekjen e viktimës”, thuhet në raportin 24 orësh të policisë.
Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion. Rasti është duke u hetuar.
Ndërsa, rasti tjetër ka ndodhur në Gllogoc.
“Gllogoc, 19.08.2021 – 22:02. Është raportuar se viktima mashkull kosovar është gjetur pa shenja jete. Në vendin e ngjarjes kanë dalë njësitë policore, prokurori shtetit dhe ekipi mjekësor ku nga mjeku është konstatuar vdekja e viktimës”, thuhet në raport.
Me urdhër të prokurorit, trupi i pajetë i viktimës ju lirohet familjarëve për procedura mortore./Insajderi.com
