Presidentja e Kosovës, Vjosa Osmani, ka kërkuar nga qytetarët të vaksinohen kundër COVID-19, në mënyrë që ta “shpëtojmë të ardhmen”.
“Vaksinohu edhe TI të shpëtosh veten, më të dashurit e tu, ekonominë dhe të ardhmen tone”, ka shkruar ajo në Facebook.
“Janë 503 mijë shanse shtesë për të mbrojtur e shpëtuar jetë nga virusi”, vazhdoi Osmani.
Ajo theksoi se “nuk ka arsye që të mos vaksinoheni”.
“Faleminderit Presidentit Biden dhe popullit amerikan që na u gjindën sërish pranë, ashtu sikurse gjithherë”, mbaroi Osmani.
Të hënën në Kosovë u regjistruan edhe 28 vdekje të reja si pasojë e COVID-19.
2 mijë e 657 qytetarë kanë humbur jetën që nga shpërthimi i pandemisë më 13 mars të vitit të kaluar. /Insajderi.com
