Deputeti Milaim Zeka, në koordinim me kryetaren e Bordit të RTK-së Afërdita Maliqin janë duke bërë presion tek anëtarët e bordit për cilin kandidat të votojnë për kryetar të ri të RTK-së.
Insajderi merr vesh se Zeka e Maliqi janë duke bërë presion që bordi ta votoj Ngadhënjim Kastratin njeri i afert me PDK-së, si drejtor të RTK-së.
Momentalisht bordi janë në proces të votimit për drejtorin e RTK-së. Kandidat janë Lorik Arifaj, Ngadhënjim Kastrati dhe Festim Kabashi.
Zeka edhe përmes Facebook ka ushtruar presion duke kërkuar shkarkim të bordit, nga cilësia e anëtarit të komisionit për Administratë Publike dhe Media
“Televizioni i Kosovës, me një grumbull problemesh, ku një pjesë e madhe ia shkakton Parlamenti, qeveria e sidomos partitë politike, ka gjashtë muaj pa drejtor të përgjithshëm”.
“Në qoftë se bordi I RTK nuk arrinë ta zgjidhë këtë bllokadë, unë si anëtarë i komisionit për Administratë Publike dhe Media, do të kërkoj shkarkimin e këtij Bordi”, tha ai.
Zeka e Maliqi, para disa ditëve kanë publikuar edhe një fotografi së bashku në rrjetet sociale.