Ndër 226 rastet e reja pozitive me Covid-19 të shënuara brenda 24 orëve të fundit në vendin tonë, vetëm në Prishtinë janë regjistruar 82 raste, njofton Insajderi.
Ashtu sikurse çdo ditë tjetër, edhe sot komuna e Prishtinës ka prirë me më së shumti raste të reja me Coronavirus në tërë territorin e Kosovës, duke u pasuar nga Podujeva e Fushë Kosova.
Kështu ka bërë të ditur Instituti Kombëtar i Shëndetësisë Publike të Kosovës, në njoftimin e përditshëm të tyre.
Më tej u njoftua se përveç këtyre të infektuarve, 15 persona nuk kanë arritur t’i bëjnë ballë kësaj sëmundje, kurse 115 pacientë të tjerë janë shëruar.
“Numri total i rasteve pozitive është 8.330 raste nga 36.509 persona të dyshimtë në virusin SARS-CoV-2, me gjithsej 227 raste të vdekjes të cilët kanë pasur sëmundje të tjera shoqëruese. Gjatë 24 orëve të fundit, janë shëruar 115 pacientë derisa numri i përgjithshëm i të shëruarve deri më sot është gjithsej 4.578 raste, kurse numri i rasteve aktive është 3.525”, thuhet në njoftimin e IKSHPK-së.
“Rastet pozitive janë nga: komuna Prishtinë 82 raste, komuna Podujevë 26 raste, komuna Fushë Kosovë 18 raste, komuna Mitrovicë 15 raste, komuna Pejë 13 raste, komuna Gjakovë 12 raste, komuna Gjilan 9 raste, komuna Klinë 7 raste, komuna Viti 7 raste, komuna Vushtrri 7 raste, komuna Lipjan 6 raste, komuna Deçan 4 raste, komuna Drenas 4 raste, komuna Skenderaj 4 raste, komuna Malishevë 3 raste, komuna Ferizaj 2 raste, komuna Kamenicë 2 raste dhe me nga 1 rast komunat: Kaçanik, Prizren, Shtime, Shtërpce dhe Suharekë”, njofton tutje ky institute. /Insajderi.com/