Një numër i madh i infermierëve kanë protestuar duke kërkuar vazhdimin e kontratave të punës për mbi 300 infermierë, njofton Insajderi.
Protesta është mbajtur para Ministrisë së Shëndetësisë.
Infermierët që ishin punësuar për nevojat e pandemisë kanë vendosur mantelet e punës nëpër objektin e MSH-së.
Ministria e Shëndetësisë përmes një komunikate kishte sqaruar se infermierët ishin punësuar me kontrata për gjashtë muaj.
Më tej në këtë njoftim u tha se ata ishin financuar përmes një kredie të Bankës Botërore, si pjesë e projektit emergjent për menaxhimin e pandemisë në Kosovë. /Insajderi.com
