Punëtorët e Telekomit të Kosovës do të protestojnë për një orë para objekteve kryesore të Telekomit në të gjitha qendrat e Kosovës, njofton Insajderi.
Protersta do të nis nga ora 11:00.
“Javët e fundit ka qenë të renda për Telekomin e Kosovës dhe për neve si punonjës. Fillimisht, janë bllokuar xhirollogaritë dhe me dt:29.10.2020 janë tërhequr të gjitha mjetet financiare nga ish kompania Dardafon dhe zhvatësi, oligarku 10 vjetar Blerim Devolli dhe përmbaruesi Ilir Mullhaxha”, thuhet në njoftim.
FSP-PTK thotë se ka marrë përkrahje edhe nga sindikata e Postes se Kosovës, FSP-Elektrokosova, dhe sindikata e re e KEK-ut.
“Nesër nuk merren parasysh kërkesat e FSP-PTK te cilat janë bere te qarta me dt;29.10.2020 protestat dhe grevat do te vazhdojnë sipas paralajmërimeve”, thuhet tutje në kumtesë. /Insajderi.com
