Partia Socialdemokrate e ka ndërmarrë një aksion në të së cilën aktivistët e saj kanë shkruar “UÇK” në veturën e ministres së Jashtme, Donika Gërvalla, përcjell Insajderi.
Në reagimin e PSD-së pas aksionit, thuhet se Kosova nuk mund të ketë suksese në diplomaci nëse është e shpërfytyruar nga brenda.
“Kosova nuk ka ku shkon pa UÇK-në”.
Tutje në reagim thuhet se kryeministri i Kosovës, Albin Kurti, pati thënë se nuk do t’i dorëzonte njerëzit e UÇK-së, dhe se Qeveria ka dëmtuar mbrojtjen duke deklasifikuar pagesat për avokatë.
“Kurti pati thënë se nuk e pranon Gjykatën dhe nuk i dorëzon njerëzit. Pastaj tha se shteti duhet ta organizojë mbrojtjen. Tash ka nisur luftën speciale të propagandës”.Në emër të transparencës Qeveria e ka dëmtuar mbrojtjen duke deklasifikuar pagesat për avokatët. Sikur në luftë, edhe sot e njëjta këngë. Po na tregojnë sa kushton UÇK-ja. Janë shumë vesh që duan ta bëjnë kalkulimin dhe koston argument. Ky regjistër është i njëjti që para luftës na i tregonte pasojat dhe rreziqet e luftës. Këtij veshi po i fryen Kurti sot. Kalkulimi është argument i frikës, i reaksionit. UÇK-ja është e guximit, e historisë”, thuhet në reagim.
Ky reagim vjen pasi Gërvalla, pati deklaruar se do ta ndihmonte Specialen me materiale që ajo pretendon se i ka në dispozicion. /Insajderi.com