“PSD nuk e ka asnjë deputet”

Deputeti i Lëvizjes Vetëvendosje, Rexhep Selimi ka thënë se PSD nuk e ka asnjë deputetë, për shkak se sic ka thënë ai kjo parti ka qenë në garë në zgjedhjet e kaluara dhe nuk ka arritur që ta fitojë asnjë deputet.

“Unë e di që PSD ka garuar në zgjedhjet e fundit dhe nuk e ka marrë asnjë deputetë. Tani këta 12 që kanë shkuar në atë parti, janë deputetë që në këto pozita kanë arritur si kandidatë të Lëvizjes Vetëvendosje”, ka thënë Selimi.

Intervistën e plotë me deputetin Rexhep Selimi mund ta shikoni këtu:

Ai ka shtuar se PSD duhet të jenë të vetëdijshëm për “kaçikun” që e kanë dhe pastaj të kërkojnë më shumë respepekt për ta. Ai ka shtuar se nganjëherë Lëvizja Vetëvendosje i respekton deputetët e PSD-së më shumë se ata të mazhorancës.

“Nuk po i nënçmoj, por ata duhet ta dinë se cfarë kaçiku kanë dhe pastaj në përputhje me kaçikun e tyre të kërkojnë respektin tonë. Se sa e meritojnë respekt nga Lëvizja Vetëvendosje, dihet. Por, prapë se prapë ne i respektojmë si gjithë kolegët tonë të Kuvendit, e nganjëherë i respektojmë më shumë se mazhoranca”, ka thënë Selimi./Insajderi.