Unë mendoj se gjërat kanë ndryshuar shumë, por jo edhe Kurti. Kurti është i njëjtë edhe me këtë rast. Por arsyeja pse ai tani ka një qasje tjetër, pak më ndryshe, për ata që VV i ka shpallur e ndëshkuar si fajtor kryesor që e paskan shkatërruar e tradhtuar këtë vend, tash e dy decenie, nuk është ndryshim kualitativ, por vazhdimësi e mendësisë së njëjtë përjashtuese, pa kurrfarë dhembshurie atdhetare, pa kurrfarë pendesa se e ka tepruar me reagime e qasje politikisht hamshore. Por kjo qasje ndryshe, ka ndodhur për disa shkaqe tjera.
Autor: Faton Abdullahu
Dikush që është i bindur se me politikat e tij të deritashme ka fituar zgjedhjet, dhe se me të njëjtat i fiton mbi 50 % edhe në zgjedhjet e ardhshme, nuk mund të pritet se do të bën ndryshime të mëdha në politikë. Por kështu nuk po mendojnë disa, të cilët pasi kanë dëgjuar Konferencën për shtyp të Kryetarit të VV-së dhe qëndrimet e vlerësimet e tij për ata pjesëtarë të UCK-së, të cilët sot po akuzohen dhe janë para Gjykatës Speciale, po mendojnë se ky është ndryshim i madh, mbase një kurs i ri në politikat e VV-së.
Unë mendoj se gjërat kanë ndryshuar shumë, por jo edhe Kurti. Kurti është i njëjtë edhe me këtë rast. Por arsyeja pse ai tani ka një qasje tjetër, pak më ndryshe, për ata që VV i ka shpallur e ndëshkuar si fajtor kryesor që e paskan shkatërruar e tradhtuar këtë vend, tash e dy decenie, nuk është ndryshim kualitativ, por vazhdimësi e mendësisë së njëjtë përjashtuese, pa kurrfarë dhembshurie atdhetare, pa kurrfarë pendesa se e ka tepruar me reagime e qasje politikisht hamshore. Por kjo qasje ndryshe, ka ndodhur për disa shkaqe tjera.
1) Për shkak se njëri nga të akuzuarit Rexhim Selimi është nga ata që ka funksion të lartë në VV, kurse ndikimi i tij moral në përceptimin e kësaj partie, është edhe më i madh se funksioni i tij, e që lidhet sidomos me veprimtarinë e tij në UÇK.
2) Për shkak se z. Kurti tani, sido që e vlerëson dhe çfarëdo qëndrimi që do të mbaj për të akuzuarit nga Gjykata Speciale, nuk mund t’i ndaj as dalloj ata – në njërën anë Thaçi, Veseli e Krasniqi e në anën tjetër Selimi. Jo, nuk mundet assesi, prandaj ka vendosur të flas për të gjithë njëjtë, dhe është i shtrënguar të flas pozitivisht jo vetëm për Selimin.
3) Për shkak që ta ndërtoj një bazë dhe mbi te ta ngreh kauzën e re, si akuzë kundër Qeverisë Hoti e cila nuk po bëka sa duhet për të akuzuarit në Gjykatë. Duke e akuzuar Qeverinë Hoti se nuk po bën sa duhet për të arrestuarit në Hagë e përmbush borxhin ndaj Selimit.
4) Për shkak se një pjesë e madhe e anëtarëve dhe simpatizantëve të VV e kanë kuptuar, larg më herët dhe më mirë se z. Kurti, se Gjykata Speciale është kundër vlerave të luftës dhe përdorimi i tyre për shtetndërtimin e Kosovës.
5) Për shkak se e ka kuptuar se, nuk mund të jetë me Presidentin Biden dhe në të njëjtën kohë të jetë kundër atyre që kanë merita shumë të mëdha pse Biden është angazhuar në Kosovë dhe ka kontribuar në pavarësimin e saj .
- Kurti nuk ka ndryshuar, është i njëjti. Ata që thonë se ka ndryshim të madh dhe kualitativ te Kurtit, e kanë këtë më shumë nga dëshira për risi e unitet në politikë sesa nga vlerësimi i bazuar në fakte. Kurti nuk do të ndryshoj sot. Kurti ndryshon vetëm nëse në mendësinë e tij politike dhe jo vetëm, e pranon se :
1) Se po të ishte Kosova shtet i kapur dhe i udhëhequr prej hajdutve në dy dekadat e fundit, nuk do të kishte ndryshim demokratik të pushtetit, me zgjedhje e në mënyrë paqësore.
2) Kosova falë zhvillimit të dy dekadave të fundit është vend më demokratik se Serbia, Mali i Zi Bosnia e Hercegovina e besa edhe se Shqipëria.
3) Se në këto dy dekada të fundit Kosova ka përparuar më shumë se kurrë dhe njerëzit e saj jetojnë sot më mirë se kurdoherë në historinë e tyre.
4) Se më meritorët për të gjitha të arriturat e Kosovës në dy dekadat e fundit janë, sidomos PDK dhe LDK, dhe partitë e tjera politike të Kosovës.
5) Kur e kupton se me atë që ai ka bërë kundër faktorit ndërkombëtar në Kosovë, e ka zgjatur jetën e tyre në vendin tonë dhe disa punë të tyre të këqija janë shtuar fal qasjes së tij përjashtuese.
