Presidenti rus, Vladimir Putin, ka propozuar ndryshime kushtetuese.
Rusia ka filluar të votojë për reformat kushtetuese që mund t’i lejojnë presidentit, Vladimir Putin të qëndrojë edhe dy mandate të tjera në pushtet.
Votimi zyrtar është caktuar për 1 korrik, por autoritetet ruse thanë se ata po hapnin qendrat e votimit një javë më herët për të ndaluar mbipopullimin në mes pandemisë COVID-19.
Aktivisti i opozitës, Alexei Navalny ka thënë se ndryshimet do të lejojnë që Putini të jetë “president për jetë”, raporton BBC, transmeton Insajderi.com.
Presidenti rus ka thënë se do të sigurojë stabilitetin e Rusisë.
Vladimir Putin, nuk ka thënë publikisht se do të kandidojë përsëri në 2024 kur të mbarojë mandati i tij aktual, ai ka thënë se është jetike që ai të ketë mundësi.
Ndryshimet e mëdha do të kufizojnë rregullin e një presidenti në dy mandate gjashtë vjeçare, në vend se dy mandate të njëpasnjëshme, dhe rivendosjen e orës në mënyrë që Putin të mund të vazhdojë në detyrë pas vitit 2024.
Përveç potencialisht lejimit të tij për të udhëhequr Rusinë deri në vitin 2036 – reformat do t’i jepnin presidentit fuqi për të emëruar gjyqtarë dhe prokurorë të lartë për miratim nga dhoma e sipërme e parlamentit të Rusisë. /Insajderi.com/
