Drejtori i Zyrës për Kosovën në Qeverinë e Serbisë, Petar Petkoviq, deklaroi të enjten se kryeministri i Kosovës, Albin Kurti, po përiqët “të hedhë pluhur në sytë e publikut se kinse Ujmani është pronë e Kosovës”, transmeton Insajderi.
Sipas tij, është më se e qartë se Kurti ka një fiksim të fortë me gjithçka serbe – kishat dhe manastiret, festat dhe historinë kombëtare, veriun e Kosovës dhe liqenin e Ujmanit.
“Një marrëdhënie e tillë është e kuptueshme – kur nuk keni të tuajën, ju e synoni të dikujt tjetër. Kjo është arsyeja pse ai përpiqet të hedhë pluhur në sytë e publikut se Ujmani është pronë e së ashtuquajturës Kosovë, dhe se ai mund të shkojë në veri kur të dëshirojë”, tha Petkoviq, përcjell B92.net.
Ai tutje i bëri thirrje Kurtit që “të mos luaj me sigurinë e popullit serb në Kosovë”.
Petkoviq theksoi se politika nuk mund të ndërtohet mbi urrejtjen dhe armiqësinë ndaj gjithçkaje serbe.
“Kjo është arsyeja pse është më mirë që Kurti të përgatitet për Brukselin, në vend që të shkojë në veri të provincës, ku ai do të ketë bisedime të vështira për të gjitha çështjet e hapura, në vend që të harxhojë energji për kërcënime të kota”./Insajderi.com
