Qytetarët kërkojnë që pritoret ikonike të Prishtinës të ruhen si pjesë e trashëgimisë së qytetit

Disa pritore të që ndodhen në disa pjesë të qytetit, po kërkohen të bëhen pjesë e trashëgimisë historike të Prishtinës.

Këto pritore të vjetra që tashmë janë jashtë funksionit  e banorët i kanë modifikuar duke vendosur mbështetëse të orendive shtëpiake, qytetarët mendojnë se duhet të mbeten si vlerë e qytetit, shkruan Reporteri.net.

Faqja “Vrojtuesit e lagjes” ka shtruar pyetjen se a duhet të ruhen këto pritore si pjesë e trashëgimisë historike të qytetit dhe shumica e qytetarëve kanë pohuar se janë pro kësaj.

Pro madje është shprehur edhe deputeti i Kuvendit të Kosovës nga Lëvizja Vetëvendosje, Mefail Bajqinovci.

Megjithatë, ka qytetarë të tillë që mendojnë se duhet të vendosen pritore të reja dhe moderne, si dhe më komode për udhëtarë.