Një qytetar është shprehur mjaft optimist për arritje të marrëveshjes LV – LDK, teksa para selisë së Lëvizjes Vetëvendosje e ka uruar kreun e kësaj partie, Albin Kurtin duke i thënë se sot do të bëhet kryeministër.
Derisa Kurti ishte duke folur para gazetarëve, për marrëveshjen me LDK-në, nga ku edhe deklaroi se është afër dakordimi me Isa Mustafën, deklarimin e tij e ka ndalur një gjysmë një qytetar që ishte jashtë selisë së partisë.
I njëjti, është dëgjuar duke e uruar Kurtin, për të cilin ka thënë se sot do të bëhet kryeministër.
“Urime kryeministër, e dina që sot ke me u bo kryeministër. Urime”, ka thënë ky qytetar.
Kurti iu është përgjigjur me ‘faleminderit’, derisa, ka hipur në veturë për t’u nisur për në Kuvend të Kosovës.
Aty tashmë ka filluar takimi në mes të LDK-së dhe LV-së në nivel të liderëve ku po diskutohet për arritje të marrëveshjes për koalicion.
