Një person është shoqëruar në polici gjatë mbrëmjes së sotme, meqë ka refuzuar t’i zbatojë masat për parandalimin dhe luftimin e pandemisë COVID-19.
Rasti ka ndodhur rreth orës 22:00, në rrugën te vendi i njohur si “Kafet e Rakisë” në sheshin e Prishtinës.
Gazeta Online Insajderi ka arritur të marrë pamje nga vendi i ngjarjes, ku edhe shihet derisa zyrtarët policorë kanë ndaluar të dyshuarin.
Vetëm përgjatë 24 orëve të fundit, në raportin 24-orësh të Policisë janë raportuar 10 raste si mosveprime sipas dispozitave shëndetësore gjatë epidemisë, brenda tërë territorit të Kosovës.
Javët e fundit edhe aksioni i Policisë dhe Inspektorëve është rritur, me ç’rast janë shqiptuar qindra gjoba dhe janë mbyllur dhjetëra lokale të gastronomisë si pasojë e mosrespektimit të rregullave të vendosura nga Qeveria e Kosovës. /Insajderi.com