Mikrobiologu kosovar, Lul Raka, është deklaruar rreth rritjes së rasteve të të infektuarve me Covid-19, për çka thotë se secili duhet të vetëdijësohet para se virusi të depërtojë në shtëpinë e çdonjërit, njofton Insajderi.
Raka tutje i është përgjigjur edhe personave të cilët nuk besojnë në ekzistencën e virusit Corona, dhe atyre të cilët thonë se “ky virus është rrenë dhe veç po bëhet për të na vendosur disa çipa që të na kontrollojnë lëvizjet gjatë gjithë kohës”.
Për këta persona, Raka e ka një përgjigje interesante.Thotë se “çka i bën ata kaq të rëndësishëm sa t’iu vendosin çipa”.
“Ata që thonë se iu vendosin çipa për t’i kontrolluar dhe se koronavirusi nuk ekziston. Po kush janë ata që me iu vendos çipa. Kujt i duhet me ditë se çka bojnë ata që me i kontrollu. Absolutisht kerkushi. E askujt s’i intereson e as nuk ka interes që me e ditë çka bojnë ata persona. Kjo çështja e çipave e teorive tjera konspirative është për keqardhje. Virusi ekziston dhe madje është shumë i rrezikshëm. Duhet secili prej nesh të ketë kujdes”, ka thënë ndër të tjera Raka në emisionin “Shëndeti” në TV Dukagjini. /Insajderi.com/
