Kryeministri i Shqipërisë Edi Rama, është shprehur sot se Presidenti, Ilir Meta ka humbur çdo të drejtë për të qenë në krye të shtetit shqiptar, shkruan Insajderi.
Gjatë fjalimit, Rama tha se Meta ka turpëruar popullin shqiptar në marrëdhëniet me Shtete e Bashkuara të Amerikës si me bashkësinë ndërkombëtarë .
Ai ka ftuar të gjithë deputetët që të ushtrojnë vullnetin e tyre dhe të votojnë për shkarkimin e Presidentin. Në fund të fjalës së tij kreu i qeverisë tha se Meta i dikurshëm nuk ka asnjë të përbashkët me Metën e sotëm.
“Ilir Meta ka shembur institucionin e garantit të unitetit kombëtar. Ilir Meta ka dhunuar kufirin jetik të ndarjes së pushteteve në demokracinë tonë parlamentare. Ilir Meta ka turpëruar Shqipërinë dhe popullin shqiptar në marrëdhënien krejt speciale me SHBA.Ilir Meta ka shkarravitur fytyrën e shtetit shqiptar në marrëdhënie me bashkësitë ndërkombëtare në Shqipëria. Ilir Meta i ka humbur përfundimisht të gjitha shanset që i janë dhënë për t’u kthyer në binarët e arsyes morale dhe ligjore.Shqipëria nuk mund ta mbajë më në kurriz Ilir Metën. Ndaj sot ky parlament duhet të ushtrojë vullnetin e më shumë se 90% të qytetarëve shqiptarëve. Keqardhje për mikun tim të dikurshëm Ilir, por Meta i sotëm. Tani duhet të flasë parlamenti me votë”, deklaroi Rama.
Komision Hetimor ka konstatuar se Meta ka shkelur 16 nene të Kushtetutës përpara zgjedhjeve të përgjithshme të 25 prillit dhe se ai duhet të shkarkohet një vit përpara se t’i përfundojë mandate./Insajderi.com
