Kryeministri i Shqipërisë, Edi Rma, i është përgjigjur liderit opozitar, Lulzim Bashës i cili deklaroi se “Qeveria e ka humbur kontrollin mbi pandeminë”.
Kjo deklaratë e Bashës ka sjellë reagimin e hershëm në mëngjesë të kryeministrit shqiptar, njofton Insajderi.
Rama theksoi se kjo opozitë “nuk i duhet as dreqit, lërë më popullit shqiptar”, duke kritikuar “mos-gatishmërinë” e opozitës për të bashkëpunuar me ekzekutivin për menaxhimin e pandemisë.
“Një opozitë që as në një sëmundje që bie një herë në shekull nuk gjen dot forcë të bëhet bashkë me shumicën nuk i duhet as dreqit e jo më popullit shqiptar!”, shkruan Rama me anë të një statusi në Twitter. /Insajderi.com
NJË OPOZITË QË AS NË NJË SËMUNDJE QË BIE NJË HERË NË SHEKULL NUK GJEN DOT FORCË TË BËHET BASHKË ME SHUMICËN NUK I DUHET AS DREQIT E JO MË POPULLIT SHQIPTAR!
— Edi Rama (@ediramaal) November 12, 2020