![Rama “pajtohet” me Ditmir Bushatin, kjo është posti që i jep në OSBE](https://insajderi.com/wp-content/uploads/2020/01/bushati-658x433-730x440.jpg)
Kryeministri Edi Rama, në rolin e kryesuesit të OSBE, ka bërë paqe me kritikun e tij ish-ministrin e Jashtëm, Ditmir Bushati, duke i besuar atij detyrën e rëndësishme.
Bushati do të jetë i dërguari Special i Kryetarit të Zyrës së OSBE-së, pra Ramës, ku do të mbulojë detyra të shumta kryesisht në parandalimin dhe zgjidhjen e konflikteve në rajonin e mbuluar nga OSBE.
Kjo detyrë e re e Bushatit është publikuar në faqen online të OSBE.
Ditmir Bushati është i dyti ministër i larguar nga qeveria të cilit Rama i ofron një detyrë të rëndësishme. Një muaj më parë ai risolli në kabinet në postin e ministrit për Rindërtimin, Arben Ahmetajn, të cilin e largoi nga drejtimi financave duke e zëvendësuar me Anila Denajn.
Të dyja këto lëvizje të Ramës deri diku tregojnë një lloj bërje “pishmani” nga shefi qeverisë për largimin e tyre./ TCH