Kryeministri i Shqipërisë, Edi Rama, ka reaguar ndaj protestës së dhunshme të zhvilluar mesditën e kësaj të shtune në Shkodër.
Rama përmes një postimi në Twitter dhunën ndaj selisë së PS-së në këtë qytet e ka cilësuar si një akt terrorizmi.
Fajet ia ka vënë opozitës në Shqipëri, derisa metodën e tyre e ka krahasuar me atë të grupit famëkeq terrorist Boko Haram.
“Terroristët e Boko Haramit i përdorin fëmijët si kamikazë, nuk janë të parët në radhën e abuzuesve të minorenëve! Historia njeh disa raste kriminale me fëmijët, por që të shfaqej në Shqipëri si streha e fundit e maskarallëkut të politikës opozitare kjo është tejet e dhimbshme!”, shkruan Rama.
Terroristët e Boko Haramit i përdorin fëmijët si kamikazë, nuk janë të parët në radhën e abuzuesve të minorenëve! Historia njeh disa raste kriminale me fëmijët, por që të shfaqej në Shqipëri si streha e fundit e maskarallëkut të politikës opozitare kjo është tejet e dhimbshme! pic.twitter.com/74ujd5FCHm
— Edi Rama (@ediramaal) December 12, 2020