Kryeministri i Shqipërisë, Edi Rama, ka thënë gjatë një interviste për Televizionin Kombëtar Gjerman se Bashkimi Evropian dhe Gjermania s’janë më të njëjta pas krizës së refugjatëve.
Rama gjatë intervistës foli edhe për pranimin e një numri afganëve në Shqipëri pas kërkesës së Shteteve të Bashkuara të Amerikës.
Kreu i ekzekutivit ndër tjerash u pyet për Samitin në Slloveni.
Aty Rama u takua edhe me kancelaren gjermane, Angela Merkel – për të cilën thotë se do t’i mungojë Gjermanisë, Bashkimit Evropian dhe Ballkanit Perëndimor.
Edi Rama dhe Angela Merkel
Madje, duke folur për Merkelin, Rama theksoi se “gratë gjermane janë më të mira se burrat gjermanë”, kur u pyet për dominimin e gjinisë femërore në kabinetin e tij qeveritar.
“Dua të them se nuk ishte aspak qëllimi im kjo gjë. Nuk është një kabinet që ka një përqindje kaq të lartë të grave për të bërë përshtypje në të gjithë botën, duke diskriminuar burra”.
“Në kabinetet e mia të mëparshme, në të parin dhe në të dytin, ndarja shumë e ekuilibruar gjinore ishte e qëllimshme. Këtë herë doja thjesht kabinetin më të mirë. Dhe rasti e solli të ketë më shumë gra sesa burra’, deklaroi Rama. /Insajderi.com
