![Raundi i ri i bisedimeve Kosovë – Serbi sot në Bruksel](https://insajderi.com/wp-content/uploads/2021/11/Dialogu-Kosove-Serbi-730x440.jpg)
Kryenegociatorët e Kosovës dhe Serbisë do të mbajnë takimin e radhës të martën në Bruksel, njofton Shqip.com.
Delegacioni i Kosovës do të udhëhiqet nga zëvendëskryeministri Besnik Bislimi, ndërsa ai i Serbisë nga Petar Petkoviq, i cili është edhe drejtor i të ashtuquajturës Zyrë për Kosovën në Qeverinë serbe.
![](https://shqip.com/app/uploads/2021/09/Besnik-Bislimi1.jpg)
Besnik Bislimi dhe Miroslav Lajçak gjatë takimit në Bruksel
Përfaqësuesi i BE-së për dialogun, Miroslav Lajçak, do të ketë bisedime të ndara me palët. Nga ora 9:30 do të takohet me Petkoviqin, ndërsa nga ora 11:00 me Bislimin.
Nuk dihet se çfarë do të jetë në rendin e ditës dhe nëse pas bisedimeve të ndara do të ketë takim trepalësh.
Të hënën, kryeministri Albin Kurti, në një konferencë për media me homologun e tij kroat, Andrej Plenkoviq, u deklarua rreth këtij rundi të takimit.
Ai tha se temë e diskutimit do të jetë çështja e të zhdukurve me dhunë gjatë luftës, energjisë dhe lëvizja e lirë. /Insajderi.com