Shoqata e Gastronomeve ka akuzuar zyrtarët policorë se po shkaktojnë probleme pranë lokaleve të gastronomisë, njofton Insajderi.
Sipas gastronomeve, kjo ka të bëjë më konkretisht me sjelljet e tyre të pahijshme.
“Është bërë praktikë kohët e fundit që zyrtarët policorë janë duke shkaktuar problemë pranë lokaleve të gastronomisë. Konkretisht kjo ka të bëjë me sjelljet e tyre që janë të pahijshme dhe drejtohen ndaj klientëve dhe stafit në hapësirat e lokaleve. SHGK, i’u bën thirrje zyrtarëve policorë dhe inspektorateve përgjegjëse që të zbatojnë në përpikëri Vendimet e Qeverisë për kontrollin e pandemisë”, kanë shkruar gastronomet në “Facebook”./Insajderi.com
