Këshilli për Zhvillim të Qëndrueshëm është rithemeluar sot në Kuvendin e Kosovës, gjë që u bë në bashkëpunim të këtij institucioni me Zyrën e Koordinatorit për Zhvillim të Kombeve të Bashkuara, njofton Insajderi.
Kryekuvendarja Vjosa Osmani, ka thënë se është e pamundur që vendi t’i tejkalojë problemet pa bashkëpunimin .
Osmani tutje ka thënë se përmes rithemelimi të Këshillit të SDG-së në Kuvendin e Kosovës, po bëhen më të zëshëm në zbatimin e objektivave që janë të rëndësishme për të tashmen e sigurt por edhe për të ardhmen.
“Të gjithë duam barazi gjinore, ujë dhe rrymë 24 orë dhe një jetë më të mirë pa dallim e të gjitha këto i ngërthen në vete agjenda e vitit 2030. Në Kuvendin e Kosovës e kemi kuptuar rëndësinë e kësaj agjendë prandaj e kemi miratuar rezolutën e objektivave për qëndrim të qëndrueshëm. Sot në këtë kohë kur po ballafaqoheni me pandeminë dhe e kemi të qartë më shumë se kurrë avancimin e agjendës, dhe duke garantuar një përfshirje të të gjitha palëve ne kemi vendosur që në këtë ditë të flasim akoma më zëshëm. Sot kur problemet i kemi të përbashkëta është e pamundur të përballemi me to pa bashkëpunim me partneritet dhe aleanca. Ne nuk mund të lejojmë që koncepti i zhvillimit të vendit tonë të jetë një qasje klasike”, ka thënë Osmani. /Insajderi.com
