Sadri Beqiri është shqiptari që po kërkon vota në Turku të Finlandës, njofton Insajderi.
Beqiri është kandidat për asamble në këtë komunë nga partia Kokoomus-EPP.
I lindur ne Mitrovicë, ai jeton në Finlandë që nga viti 1992 ku punon si inspektor i ndërtimtarisë në komunën e Turkut.
Teksa ka më shumë se tetë vjet që merret me politike, kjo është hera e tretë që ai garon në zgjedhje komunale në këtë komunë, në të cilën aktualisht ka zënë ulësen e asambleistit.
Ndryshe, zgjedhjet lokale ishte e paraparë të mbahen më 18 prill por u shtyen për shkak të pandemisë, pasi shumica e sekretarëve të partive parlamentare vlerësuan se ishte një kohë më e sigurt.
Zgjedhjet komunale do të mbahen të dielën, 13 qershor 2021.
Ligji përkatës është miratuar edhe në Parlament.
Koha e votimit paraprak është tani më e gjatë se normalja, dy javë në Finlandë, pra nga 26 maj deri më 8 qershor. Komunat janë subvencionuar për kostot shtesë të zgjatjes së votimit paraprak. /Insajderi.com
