Delegacioni serb në Bruksel ka thënë se asnjë marrëveshje me Kosovën nuk është arritur, raporton Tanjug, transmeton Insajderi.com.
Delegacioni i Beogradit në Bruksel po përfaqësohet nga Drejtori i të ashtuquajturës ‘Zyre për Kosovën’ në Qeverinë e Serbisë, Petar Petkoviq.
Në anën tjetër, zëvendëskryeministri i Kosovës, Besnik Bislimi, të mërkurën mbrëma ka njoftuar se është arritur një marrëveshje mes palëve për situatën sa i përket reciprocitetit me targat e veturave.
Besnik Bislimi dhe Miroslav Lajçak gjatë takimit në Bruksel
Në një adresim për media, Bislimi ka theksuar se kanë arritur të krijojnë një draft final, ku po pritet vetëm miratimi nga ana e palës serbe.
Ndërsa, nga Bashkimi Evropian ka thënë se bisedimet për arritjen e marrëveshjes për situatën në Veri të Kosovës janë ende duke vazhduar./Insajderi.com
