Besa Shahini ka dorëzuarsot zyrtarisht detryën e Ministres së Arsimit, Sportit dhe Rinisë e Shqipërisë te ministrja Evis Kushi, njofton Insajderi.
Kështu ka bërë të ditur vetë Shahini me anë të një postimi në Facebook, ku thuhet se detyra e saj është dorëzuar para përfaqësuesve të “Parlamentit të Nxënësve”.
“Evisit, i uroj gjithë të mirat dhe suksese në detyrën e re, një detyrë e vështirë por jashtëzakonisht përmbushëse dhe me impakt të lartë në shoqëri”, ka shkruar tutje ajo.
Postimi i plotë i znj. Shahini:
Sot, para përfaqësuesve të “Parlamentit të Nxënësve”, dorëzova zyrtarisht detyrën e Ministres së Arsimit, Sportit dhe Rinisë tek Ministrja Evis Kushi.
“Parlamenti i Nxënësve” ka qenë këshilltari im më i mirë për politikat e arsimit parauniversitar, sidomos gjatë organizimit të mësimit në kushte shtëpie në periudhën e pandemisë, e cila vazhdon të jetë akoma mes nesh. Janë nxënësit dhe studentët ata për të cilët bëhen politikat arsimore, ndaj zëri i tyre është edhe spiranca që i duhet mendimit politik në fushën e arsimit.
Evisit, i uroj gjithë të mirat dhe suksese në detyrën e re, një detyrë e vështirë por jashtëzakonisht përmbushëse dhe me impakt të lartë në shoqëri. /Insajderi.com
