Shefi i sektorit për mbikëqyrje në vendin e ngjarjes pranë policisë së Shkupit, Goran
Miloshevski, është dëshmitari i sotëm i cili dha dëshmi në lëndën “Monstra”, gjegjësisht lidhjen
e tij me automjetin “Opel Omega”, i gjetur në vendin Vrazhivir.
“Më 13 prill në punë isha nga ora 07.00 deri në ora 15:00. Nga askush nuk kam marrë ndonjë njoftim se në Vrazhivir është gjetur veturë. Nga eprori Vllado Mirçevski, u njoftova se në Vrazhivir me siguri është gjetur një automjet që lidhet me ngjarjen e 12 prillit”, ka thënë Milloshevski.
Ai gjithashtu theksoi se aspak nuk e ka parë automjetin. “Ne morëm lajmërim nga Qendra për njoftime dhe komanda, ka shërbime të tjera të cilat përpunojnë njohuri operative, kompetenca jonë është për inspektim në vendin e ngjarjes”, potencoi Milloshevski. Në ndërkohë mbrojtja e të akuzuarve parashtroi listë tëdëshmive të propozuara të cilat duhet të prezantohen në seancat e ardhshme, njofton Insajderi.
Mes dëshmitarëve të cilët i propozoi mbrojtja është edhe Mile Janakievski, për bisedën lidhur me ish-ministren e Punëve të Brendshme të Maqedonisë së veriut, Gordana Jankullovska.
Seanca e ardhshme është caktuar për më 31 gusht. Për vrasjen e 12 prillit të vitit 2012, kur u vranë pesë djem të rinjakuzohen Halil Demiri dhe Afrim Ismailoviq (në arrati) dhe Agim Ismailoviq, Fejzi dhe Haki Aziri dhe Sami Luta.
Gjykimin për këtë lëndë e zhvillon dyshja gjyqësore Ognen Stavrev dhe Osman Shabani, ndërsa aktakuzën e përfaqësojnë prokurorët Fatime Fetai dhe Gavril Bubevski. /Insajderi.com
