Një sherr me thika mes dy adoleshentëve ka lënë të vdekur njërin prej tyre. Ngjarja e rëndë ka ndodhur në qytetin e Fierit në Shqipëri, pranë zonës së njohur si “Zogu i zi”.
Dy të rinjtë janë zënë me armë të ftohta pas një sherr që kanë patur. 17 vjeçari me inicialet F.G ka goditur me thikë 16 vjeçarin me inicialet D.V, i cili ka mbetur i plagosur.
Urgjenca e ka transportuar në spital të riun por fatkeqësisht adoleshenti ka humbur jetën.
Njoftimi i policisë:
Policia identifikon autorin e dyshuar të plagosjes me thikë në vendin e quajtur “Zogu i Zi” ku si pasojë e plagëve të mara ndërroi jetë shtetasi i plagosur.
Sot në datën 18.10.2018, rreth orës 16:30 ka shkuar në Spitalin Rajonal Fier i plagosur me mjet prerës shtetasi D.V, 16 vjeç, banues në Hoxharë të Vjetër.
Dyshohet se ngjarja ka ndodhur në vendin e quajtur “Zogu i Zi”, Fier ku pas një sherri mes dy të rinjve ka mbetur i plagosur me thikë shtetasi D.V.
Eshtë shpallur në kërkim si autor i dyshuar i ngjarjes shtetasi F.G, rreth 17 vjeç dhe po punohet për kapjen e tij.
Shtetasi i dëmtuar ka ndërruar jetë në Spitalin Rajonal Fier.