![Shpend Ahmeti: Presionin me të madh për lejimin e ndërtimit të lagjes në Badovc e kam pasur nga VV](https://insajderi.com/wp-content/uploads/2020/01/Albin-Kurti-dhe-Shpend-Ahmeti-730x440.jpg)
Kryetari i komunës së Prishtinës, Shpend Ahmeti, ka thënë sot se ka pasur presion nga Vetëvendosja për lejimin e ndërtimeve në liqenin e Badovcit.
Ai ka thënë se është pro anulimit të kushteve të ndërtimit, por këtë së pari duhet ta bëjë Ministria përkatëse.
Me këtë rast ka nisur polemika me asamblistët e Vetëvendosjes. Me një moment, kryetari Ahmeti i është drejtuar asamblistëve të Vetëvendosjes.
“Mos më shtini me fol se presionin ma të madh për këtë lagje e kam pasur nga Vetëvendosja. ”, ka thënë Ahmeti.
Më pas ka ndërhyrë asamblistët e Vetëvendosjes, duke i thënë që të flasë.
“Fol. Fol se s’kemi asgjë me fshehë”, tha ai.
Seanca e jashtëzakonshme për Badovcin po vazhdon akoma ku po kërkohen anulimet e kushteve të ndërtimit në liqenin e Badovcit.