Presidenti i Republikës së Kosovës, Hashim Thaçi, bashkë me kryeministrin e vendit, Ramush Haradinaj, sot kanë emëruar drejtorin e ri të Agjencisë së Kosovës për Inteligjencë (AKI).
“Duke u bazuar në Nenin 84 (21), në Nenin 94 (8) dhe Nenit 129 (3) të Kushtetutës së Republikës së Kosovës, si dhe Nenin 5 (3 dhe 5) të Ligjit nr. 03/L-063 për Agjencinë e Kosovës për Inteligjencë, presidenti Thaçi dhe kryeministri Haradinaj, morën vendim për emërimin e z. Shpend Maxhuni, Drejtor i Agjencisë së Kosovës për Inteligjencë”, thuhet në njoftimin nga Zyra e Presidentit.
Maxhuni kishte qenë drejtor i Përgjithshëm në Policinë e Kosovës, që nga tetori i vitit 2011. Ai do ta zëvendësoi Driton Gashin në postin e drejtorit të AKI-së.
Gashi ishte shkarkuar pas kërkesës së Haradinajt lidhur me deportimin e gjashtë gylenistëve nga Kosova për në Turqi./Insajderi.com
