Në mesin e shumë kërkesave që shqiptarët e Luginës së Preshevës kanë për Qeverinë e Kosovës të udhëhequr nga Albin Kurti, është përfshirja në dialogun me Serbinë.
Nënkryetari i Komunës së Bujanocit, Shqipërim Musliu, tha se presin që Qeveria Kurti II të trajtojë tema konkrete dhe në dialog të përfshijë edhe përfaqësuesit e Luginës.
“Kërkesat e qytetarëve të Luginës janë të shumta në numër, por në veçanti e kemi kërkesën që edhe ne të përfshihemi në dialogun me Serbinë. Resursi më i rëndësishëm është resursi njerëzor”, tha Musliu në RTV Dukagjini.
Nënkryetari i Komunës së Bujanocit shtoi se momentalisht problemi më i madh i shqiptarëve në Bujanoc është pasivizimi i adresave nga ana e autoriteteve shtetërore serbe.
Sipas Musliut edhe mosnjohja e diplomave vazhdon të mbetet një tjetër problem i këtyre banorëve./Insajderi.com
