Këshilli i Bashkimit Evropian vendosi që Kosovën ta largojë nga vendet e sigurta për sa i përket pandemisë COVID-19.
Kështu tash qytetarët e Kosovës do t’i nënshtrohet kufizimeve anti-COVID në momentin që duan të udhëtojnë në njërin nga shtetet e BE-së.
Bazuar në njoftimin e BE-së udhëtimet që nuk janë të domosdoshme në BE nga këto shtete, do t’i nënshtrohen masave kufizuese.
Po ashtu masa nuk paragjykon vendimet e shteteve anëtare që të heqin kufizimet për personat plotësisht të vaksinuar nga këto shtete.
Kosova ka shënuar rritje të madhe infeksionesh e vdekje si pasojë e COVID-19.
Në muajin qershor Kosova ishte vend i sigurt për sa i përket pandemisë, por tash gjithçka ka ndryshuar.
Sipas njoftimit, gjatë kësaj periudhe janë testuar shtatë mijë e 384 mostra, prej tyre 932 kanë rezultuar pozitivë.
Janë shëruar 962 qytetarë, derisa numri i përgjithshëm i të shëruarve është 114 mijë e 661.
Në total numri i rasteve aktive është 26 mijë e 525. /Insajderi.com