Policia e Kosovës njoftoi të martën se sipas planit operacional për parandalimin e COVID-19, ka angazhuar në terren zyrtarë policorë në rroba civile, të cilët do të operojnë në nivel vendi.
“Të njëjtit do të kujdesen për zbatimin dhe respektimin e masave, përfshirë përdorimin e maskave nga ana e qytetarëve, respektimin e masës për vetë-izolimi të personave që nënshkruajnë deklaratën nën betim për vetë-izolim si dhe do të jenë prezent në ambiente më shumë të frekuentuara”, thuhet në njoftimin e PK-së.
