Një skandal ka ndodhur në takimin me drejtues të medieve, të thirrur nga kryeministri Ramush Haradinaj.
Menjëherë pas përfundimit të takimit, drejtori i Internews Kosova, partner i BIRN Kosova, Faik Ispahiu, pas konsumimit pakontroll të pijeve alkoolike, kishte filluar që të bëjë gjeste vulgare, duke i ofenduar të pranishmit, përfshirë edhe kryeministrin Ramush Haradinaj.
Drejtori gjeneral i Gazetës Online Insajderi, Parim Olluri, përmes një postimi në rrjetet sociale, ka bërë të ditur se çka ndodhi në atë takim dhe dehjen e Ispahiut.
Olluri, ka falënderuar publikisht kabinetin e kryeministrit Haradinajt, për durimin dhe sjelljen e mirë ndaj gazetarëve, duke u habitur me sjelljen e tyre ndaj Faik Ispahiu, përkundër fyerjeve dhe sjelljeve vulgare të tij.
Olluri ka shtuar se çdo kabinet tjetër do ta përzënte nga takimi, një person me sjellje vandale.
“Notën 10-she Ramush Haradinajt dhe këshilltarëve të tij: Donjeta Sh Gashi, Meliza Haradinaj, Selim Selimi etj, për tolerancën dhe mirësjelljen e treguar ndaj gazetarëve. Sapo e përfunduam takimin e thirrur nga Haradinaj me drejtues të medieve. Njëri prej neve, Faik Ispahiu, i Internews/BIRN, bënte gjeste idioteske në takim. U pi e u bë dërrasë me taksa të qytetarëve. Bërtiste dhe fyente të gjithë, përfshirë kryeministrin Haradinaj. U befasova nga sjellja e mirë e kryeministrit dhe kabinetit të tij: Çdo kabinet tjetër do ta përzënte nga takimi, një person me sjellje vandale. Mirëpo, për befasinë e mirë, kabineti i Haradinajt e trajtuan mirë”, ka shkruar Olluri.
Noten 10-she Ramush Haradinajt dhe keshilltareve te tij: Donjeta Sh Gashi, Meliza Haradinaj, Selim Selimi etj.Per…
Posted by Parim Olluri on Thursday, 29 November 2018
FOTO: Faik Ispahiu, drejtor i Internews Kosova, partner i BIRN Kosova
