Gruas me nevoja të veçanta, Shahadije Gashit, nuk iu lejua të udhëtojë me autobus me arsyetimin se kompania e transportit nuk mban përgjegjësi për personat e verbër.
Ajo priti 45 minuta për të ardhur me tjetër autobus nga Ferizaj për në Prishtinë.
“Dje në orën 18 mbas dite kur u afrova te autobusi më thanë se ‘nuk mundemi me marr përgjegjësi për personat e verbër’”, rrëfen Shehadija, duke treguar edhe emrin e kompanisë transportuese, përcjell Telegrafi.
Edhe bashkëshorti i Shahadijes, Bajrami thotë se jo të gjithë transportuesit sillen si duhet me këtë kategori të personave me nevoja të veçanta.
“Vërtetë nuk po trajtohemi si duhet nga disa në trafik. Nuk jemi njerëz që e pengojmë dikë. Falë telefonave të mençur ne më nuk jemi barrë për askënd, nuk jemi njerëz që ngelim në rrugë”, tha ai.
RTV Dukagjini ka kontaktuar Kompaninë “Fatoni Reisen”, për të cilën Shahadija thotë se ia pamundësoi udhëtimin.
Në një përgjigje me shkrim kjo kompani thotë se gjithnjë kanë treguar kujdes ndaj personave të verbër dhe se do ta hulumtojnë këtë rast.
Vazhdon diskriminimi i personave të verbër
Shahadije Gashit, nuk iu lejua të udhëtojë me autobus me arsyetimin se kompania e transportit nuk mban përgjegjësi për personat e verbër. Ajo priti 45 minuta për të ardhur me tjetër autobus nga Ferizaj për në Prishtinë.
Posted by RTV Dukagjini on Tuesday, 24 April 2018
